Today's blog is a little different. Boab the joiner offers his thoughts on the state of the world.
Awright people, ah hope ye're aw hale and hearty.
Ah see there's been another wan o' they rogue traders. Whit is it wi' these guys? Money pouring' oot o' every orifice an' it's still no' enough. Gie them a hammer an' they widnae know whit way tae haud it but they can certainly play the fiddle.
Whit gets me is they keep daein' it. If you wur a fermer and a fox stole yir chickens, ye think ye wid build a better fence. No these bankers, naw they let the thieves steal even mair money. Ah suppose it's no their cash, so whit dae they care. They'll be roon' wi a beggin' bowl again before long anyway.
Ah see the chancellor's wantin' tae help they poor people that huv tae pay the 50% tax rate. It must be hard fur the poor wee souls tae huv tae decide if they kin afford tae go tae Aspen fur Christmas or slum it in St Moritz. Must be hellish.
Well if he lets me back ah'll mibbee huv mair wisdom fur ye soon.
Boab exists only in my head and the pages of The Reluctant Detective. I hope you enjoy his occasional rants.
No comments:
Post a Comment